Новосибирскайдааҕы физмат оскуолаҕа (СУНЦ НГУ) Саха сириттэн үс үрдүкү кылаас үөрэнээччитэ үөрэниэ. Оскуолаҕа Арассыыйаттан барыта 348 оҕо туттарсан киирдэ.
Физмат оскуолаҕа туттарсыы быйыл дистанционно барда. Оҕолор үс нэдиэлэ устата «Сайыҥҥы оскуолаҕа» үөрэннилэр, хонтуруолунай үлэлэри суруйдулар, собеседованиены аастылар, Новосибирскай учуонайдарын кытары билистилэр. «Сайыҥҥы оскуолаҕа» туйгун үөрэнээччилэр, олимпиада кыайыылаахтара талыллан үөрэнэллэр.
Үөрэх балаҕан ыйын 14 күнүттэн саҕаламмыт. Үөрэнээччилэр үрдүк үөрэх устудьуоннарын курдук лиэксийэлэри истэллэр, семинардарга кытталлар, семестр түмүгүнэн эксээмэннэри туттарыахтара. Билигин үөрэх очно барар, оҕолор интернакка олохсуйдулар, оскуола территориятыгар ковидынан сибээстээн хааччахтыыр миэрэлэр олохтоммуттар.
This post was published on 17.09.2020 14:10 14:10