Новосибирскай уобаласка гааһы дэлби тэптэрии түмүгэр 12 киһи өллө, 21 киһи эмсэҕэлээтэ диэн, регионнааҕы Доруобуйа харыстабылын министиэристибэтэ олунньу 10 күнүгэр сарсыарда эрдэ иһитиннэрдэ.
Түүн дэлби тэптэриллибит дьиэ анныттан үс өлбүт киһини ороотулар, өссө икки дьахтары сарсыарда буллулар. Урусхалы ырытыыга 358 киһи, 68 тиэхиникэ үлэҕэ тардылынна.
Новосибирскай балыыһаларыгар эрдэ тоҕус киһини аҕалбыттара. Кинилэртэн иккилэрэ ыарахан туруктаах, икки киһини наадалаах көмөнү оҥорон баран таһаарбыттар.
Санатан эттэххэ, олунньу 9 күнүгэр сарсыарда Новосибирскайга Линейнэй уулуссаҕа олорор дьиэҕэ гаас дэлби баран дьиэ урусхалламмыта. Быһылаан чахчытынан холуобунай дьыала тэрилиннэ.
This post was published on 10.02.2023 11:03 11:03