3 От ыйа 03.07
  • -7°
  • $ 104,68
  • 115,6

Норуоттар ыккардыларынааҕы быыстапкаҕа саха быһаҕа ситиһиилэннэ

13:01, 27 октября 2020
Текст:

Таатта улууһун ууһа Александр Ючюгяев «Клинок – традиции и современность» диэн алтынньы 22 25 күннэригэр Москваҕа ыытыллыбыт норуоттар ыккардыларынааҕы быыстапкаҕа кыттан, үс наҕарааданы ылла.


2000 сыллаахтан ыытыллар быыстапкаҕа оҥорон таһаарааччылар бастыҥ ойуулаах-мандардаах, авторскай, коллекционнай, антикварнай биилээх оҥоһуктарын, спортивнай, туристическай, бултуур, аһыыр быһахтары көрдөрөллөр.

Александр Ючюгяев оҥоһуктара дьон болҕомтотун тута тардыбыттарын этэр. Быыстапка бастакы чаастарыгар кини уонтан тахса быһаҕын атыыласпыттар.

«Хатыыс уонна сыалыһар тириилэринэн уктаммыт ураты быһахтарбытын тута ылбыттара. Ону таһынан быһыччалары, классическай саха быһахтарын эмиэ хото ыллылар», — диир кини.

Быыстапка иһинэн ыытыллар күрэхтэргэ Александр Ючюгяев «Саха национальнай быһаҕа» номинацияҕа 1 миэстэни (быһах биитин уһуна 150-200 мм);

— «Национальнай быһах» номинацияҕа 2 миэстэни;

— «Национальный якутский нож» номинацияҕа 3 миэстэни ылары ситистэ.

Александр эһиилги быыстапкаҕа өссө үчүгэйдик тэринэн, кыттар баҕалааҕын этэр.

Быыстапканы илэ манна көрүөххэ сөп:https://youtu.be/TYGUBAp8s68

Следите за самым важным и интересным в Telegram-канале и WhatsApp-группе ЯСИА
0
0