Азия Олимпийскэй сэбиэтин XXXV-с генеральнай ассаблеятын мунньаҕа бу күннэргэ Вьетнам Дананге куоратыгар буола турар. Норуоттар икки ардыларынааҕы Олимпийскэй кэмитиэт президенэ Томас Бах уонна «Азия оҕолоро» Оонньуу норуоттар икки ардыларынааҕы кэмитиэтэ кэпсэтиһии ыыта сылдьаллар.
Манна Оонньуу норуоттар икки ардыларынааҕы кэмитиэтин президенэ Дмитрий Глушко, вице-президент Марат Бариев уонна Владимир Максимов кытталлар.
Өрүттэр буолан ааспыт «Азия оҕолорор» Оонньуу түмүгүн иҥэн-тоҥон билсии Швейцария Лозанна куоратыгар оҥоһуллуоҕун туһунан сүбэлэстилэр. Марат Бариев 2018 сылга «Азия оҕолоро» кыһыҥҥы оонньуулары ыытар туһунан этии киллэрдэ. Манна спортсменнар алта көрүҥҥэ: шорт-треккэ, хоккейга, биатлоҥҥа, хайыһарга, о.д.а күрэхтэһиэхтэрэ. Азия 15 дойдута бу бырайыагы өйүүр.
Томас Бах кыһыҥҥы оонньуулары ыытарга сөбүлэһэр уонна күрэхтэһии Азия континеныгар наадалаах буолуоҕун бэлиэтиир.
This post was published on 26.09.2016 10:25 10:25