«Россияттан соҕотох бэрэстэбиитэл Анисия Степанова аан дойду тылынан толорооччуларын куонкурсугар 40 дойдутуттан үс бастыҥ иһигэр киирдэ», — суруйда миниистир. Анисия Степанова – Мэҥэ Хаҥалас улууһун Г.Г. Колесов аатынан Олоҥхо дьиэтин сотруднига. Кини бэстибээлгэ бэйэтин эһэтин Николай Степанов — Ноорой «Күн Эрили» олоҥхотун толордо.
Маны сэргэ түүр эйгэтин иккис култуурунай пуорумугар Мэҥэ Хаҥалас улууһун Г.Г. Колесов аатынан Олоҥхо дьиэтин дириэктэрэ Евдокия Колесова Саха сирин баһылыга Айсен Николаев Олоҥхо сайдыытыгар уонна киэҥ араҥаҕа ыытар үлэтин туһунан дакылаат оҥордо.
«Пуорум кэмигэр Г.Г. Колесов аатынан Олоҥхо дьиэтэ уонна Юнус Раджаби аатынан Узбекистан национальнай музыка уонна искусство института бииргэ үлэлииргэ сөбүлэҥ суруйустулар. Кыргызстан, Туркменистан уонна Казахстан тылынан кэпсээччилэрин кытта холбоһуктаах бырайыактары оҥорор туһунан кэпсэтиилэр ыытылыннылар. Бу тэрээһин регионнар бииргэ үлэлииллэригэр саҥа суоллары арыйарыгар эрэллээхпин», — диэтэ Афанасий Ноев.
This post was published on 29.04.2025 17:03 17:03