Норуот сомоҕолоһуутун күнүн көрсө анал байыаннай дьайыы фроннарыгар Саха сирин байыастарыгар уонна байыаннай госпиталларга бааһырбыт байыаннайдарга төрөөбүт өрөспүүбүлүкэлэриттэн бэлэх набордарын — бородууксуйаларын туттараллар.
«Бастакы баһыылкалар аадырыстарга тиийдилэр. Набордарга — биһиги олохтоох оҥорон таһаарааччыларбыт саллааттар күүстэрин-уохтарын, санааларын өйүүллэригэр көмөлөһөр астаах сахалыы астар. Уолаттар саха аһылыгын олус ахталларр, итинник бэлэхтэр кинилэргэ ордук сыаналаахтар. Өрөспүүбүлүкэ тирэх пууннарын бэрэстэбиитэллэрэ биһиги биир дойдулаахтарбыт — Саха сирин буойуннара сулууспалыыр миэстэлэригэр күннэтэ хомуурдары тиэрдэллэр. Барыта 12,5 туоннаттан тахса бэлэх ыытылынна», — диэн бэлиэтээтэ Саха сирин баһылыга Айсен Николаев.
Бастатан туран, бырааһынньыктааҕы набордарбыт илин байыаннай уокурук байыаннай госпиталларыгар тиэрдилиннилэр. Бу күннэргэ өрөспүүбүлүкэ СВО зонатыгар тирэх пууннарын бэрэстэбиитэллэрэ Россия Сэбилэниилээх Күүстэрин салааларын быстах дислокацияларын пууннарыгар күннэтэ айанныыллар, онно Саха сирин буойуннара өстөөҕү утары охсуһаллар.
Бу гуманитарнай акция, ордук норуот сомоҕолоһуутун күнүн көрсө, улахан суолталаах. Саха сирэ СВО байыастарыгар көмөлөһүүтүн, өйөбүлүн хааччыйыыга эмиэ биир санаалаах буоларын көрдөрөр. Биһиги саллааттарбыт саха оҥорон таһаарар таптыыр бородууксуйаларын эрэ буолбакка, бойобуой тыыны бөҕөргөтөр болҕомто бэлиэлэрин ылалларын анал байыаннай дьайыы ыытыллар зонатыгар Саха сирин тирэх пуунун үлэһиттэрэ бэлиэтээтилэр.
