29 Кулун тутар 29.03
  • -14°
  • $ 92,26
  • 99,71

Норуодунай учуутал Николай Афанасьев аатынан бастакы бириэмийэ туттарылынна

15:31, 30 января 2023
Текст:
Читайте нас на
Яндекс Новости
ЯДВ

Дьокуускайга тохсунньу 30 күнүгэр өрөспүүбүлүкэ бастыҥ учууталларын наҕараадалаатылар. Бу күн норуодунай учуутал Николай Афанасьев аатынан бастакы бириэмийэ хаһаайынын аата билиннэ, суруйар СИА.

Бириэмийэ Марианна Кушнирга туттарылынна, кини Нерюнгри оройуонун С. С. Каримова аатынан №1-дээх гимназияҕа география учууталынан үлэлиир. «Үөрэх эйгэтигэр 1993 сылтан үлэлиибин. Нерюнгри оройуонун география учууталларын методическай холбоһуктарын салайабын. Оҕолор уонна педагогтар ортолоругар кыраайы үөрэтиигэ тэрээһиннэри ыытабын. В.И. Вернадскай аатынан экологическай куонкуруска кыттыбыт оҕолор ситиһиилэрэ наһаа үөрдэллэр. М.В. Ломоносов аатынан турнирга эмиэ оҕолор ситиһиилээхтэр. Икки сыллааҕыта Хотугу форумҥа кыттыбыппыт», — диэтэ Марианна Кушнир.

Саха сирин салалтатын дьаһалтатын салайааччы Георгий Михайлов бэлиэтээбитинэн, бириэмийэ төрөөбүт кыраайы үөрэтиигэ үлэлиир педагогтары өйөөһүҥҥэ ананар. «Кыраайы үөрэтиигэ өрөспүүбүлүкэ салалтатын бастакы бириэмийэтин туттардыбыт. Николай Афанасьев аатынан бириэмийэҕэ 30-тан тахса учуутал уонна педагог 11 оройуонтан үлэ киллэрбитэ. Бириэмийэни туттарыыны үгэскэ кубулутар былааннаахпыт. Бүгүн Николай Иванович кыттыыны ылбата, онон кэлэр бириэмийэни кини дойдутугар Бүлүүгэ туттарар былааннаахпыт», — диэтэ кини.

Санаттахха, Саха сирин норуодунай учуутала, РСФСР уонна Саха АССР үтүөлээх учуутала, Аҕа дойду улуу сэриитин бэтэрээнэ Николай Афанасьев аатынан бириэмийэ 2022 сыллаахха сэтинньигэ бигэргэммитэ.

Кыайыылааҕы регион кыраайы үөрэтээччилэрэ быһаараллар. Куонкурсу талыы тэрийээччитэ — Нуучча географическай уопсастыбата.

Ыспыраапка: Норуодунай учуутал Николай Иванович Афанасьев 1925 сыл ахсынньы 14 күнүгэр төрөөбүтэ. Педагогунан 51 сыл үлэлээбитэ, онтон 46 сылын Бүлүү оройуонун Бороҕон орто оскуолатыгар дириэктэрдээбитэ.  Кини салайар кэмигэр оскуола үс төгүллээн «Школа года России» буолбута. Николай Афанасьев Россия куонкурсун ааһан, 1997 сыллаахха «Директор года России» буолбута.

Следите за самым важным и интересным в Telegram-канале и WhatsApp-группе ЯСИА