Арассыыйа Федеральнай нолуок сулууспатын Саха сиринээҕи управлениета элбэх функциялаах кииннэр отделениеларыгар нолуок төлөөччүлэргэ тэйиччиттэн консультациялааһын бастакы түһүмэҕин саҕалыыр.
«Мин докумуоннарым» офистарынан нолуок сулууспатын үлэһиттэрин кытта онлайн-консультация ыларга эрдэттэн суруттарыы Айхалга, Аммаҕа, Бороҕоҥҥо, Үөһээ Бүлүүгэ, Бүлүүгэ, Покровскайга, Орто Халымаҕа, Удачнайга, Ытык-Күөлгэ арылынна.
Видео сибээс эрэһиимигэр консультацияны ыларга Россия ФНС саайтыгар «Онлайн-запись на прием в инспекцию» сервис нөҥүө эрдэттэн суруттаран, бэйэҥ нэһилиэнньэлээх пууҥҥар МФЦ отделениетыгар анаммыт бириэмэҕэ тиийиэххэ наада. Сервиһинэн физическэй сирэйдэр, биирдиилээн урбаанньыттар, ону таһынан тэрилтэлэр бэрэстэбиитэллэрэ туһаныахтарын сөп.
МФЦ- га сылдьан тус сирэйи идентификациялыырга пааспардаах буолуохтааххын, ону тэҥэ наада буоллаҕына консультация боппуруоһугар сыһыаннаах атын докумуоннар ирдэнэллэр.
