Усуйаана улууһугар Нижнеянскай бөһүөлэгэр баһаар буолан, үөрэх процеһа тус кыраапыгынан ыытыллар. Ол туһунан үөрэх министиэристибэтэ иһитиннэрдэ.
Биэдэмистибэ дааннайынан, оскуолаҕа барыта аҕыс оҕо үөрэнэр, оскуола иннинээҕи саастаахтарга — түөрт оҕо. Оҕолорго улуус кииниттэн үөрэнэр тэриллэрин уонна канцтабаар аҕалылынна. Эбии үөрэнэр босуобуйа уонна үөрэх атын малын тиксэриэхтэрэ.
Билигин оҕолору «Водник» култуура дьиэтигэр олохтуур боппуруос быһаарыллар. Онно сөптөөх усулуобуйа тэрийиитигэр, ол иһигэр, сылытыыга үлэ барар.
This post was published on 28.01.2025 11:39 11:39