Хайыһарга Олимпийскай резервэ спортивнай оскуолатын иитиллээччитэ Николай Максимов биатлоҥҥа Уһук Илиҥҥэ чөмпүйүөннээтэ.
Күрэхтэһии Петропавловск-Камчатскай куоратыгар бэҕэһээ, олунньу 8 күнүттэн саҕалаан ыытылла турар. Манна Уһук Илин алта регионуттан 15-16 саастаах бастыҥ биатлонистар кытта сылдьаллар.
Николай Максимов индивидуальнай киирсиигэ утарылаһааччыларын ырааҕынан быраҕан, бэргэнник ытан, кыһыл көмүс мэтээли ылары ситистэ.
Александр Процук — үрүҥ көмүс мэтээли. Прохор Майдола уонна Максим Бочкарев уон бастыҥнар истэригэр киирдилэр.
Кыргыттарга индивидуальнай киирсиигэ Регина Петрова үрүҥ көмүһү, Софья Левина, Августина Иванова биэс бастыҥнар истэригэр киирдилэр.
This post was published on 09.02.2021 17:01 17:01