21 От ыйа 21.07
  • 25°
  • $ 88,02
  • 96,04

Николай Кульбертиновы өлөрбүттэрин курдук сымыйа сурах WhatsApp-ка тарҕанна

16:07, 14 июня 2016
Текст:
Читайте нас на
Яндекс Новости
ЯДВ

Бу күннэргэ WhatsApp мессенджерынан Өймөкөөнөөҕү полиция начальнига Николай Кульбертиновы өлөрбүттэрин туһунан сурах тарҕаммыта. СИА олохтоох дьаһалтаттан бу туһунан ыйыталаһан дьолго, сымыйа сурах буоларын быһаарда.


«Дьон хайдах маннык сымыйа сураҕы суруйаллара уонна тарҕаталлара өйгө-санааҕа баппат. Николай Кульбертинов тыыннаах, үлэлии-хамсыы сылдьар», — диэтэ Өймөкөөн улууһун баһылыга Михаил Захаров.

Николай Кульбертиновка бэйэтигэр эрийэн тиийбэтибит.

2014 сыл бүтүүтэ саҥа дьыллааҕы бырааһынньыкка үлэһиттэрэ охсуһаннар, Дьокуускай полициятын начальнига Николай Кульбертинов дуоһунаһыттан тохтотуллубута. Ол кэнниттэн киирбит этиини ылынан, кини Өймөкөөн полициятыгар үлэлии барбыта.

Бу сыл саҕаланыыта ис дьыала Саха сиригэр миниистирэ Владимир Прокопенко дьокутааттар иннилэригэр тыл этэригэр Кульбертинов Өймөкөөҥҥө өр үлэлиэ суоҕун, сотору кэминэн киин куорат полициятыгар төннүөҕүн туһунан этэн турардаах.

Следите за самым важным и интересным в Telegram-канале и WhatsApp-группе ЯСИА