18 От ыйа 18.07
  • 18°
  • $ 88,09
  • 96,3

Николай Дегтярев: Саха паралимпиецтара хайалара да бобуулаах препараты туттубатахтара

13:02, 08 августа 2016
Текст:
Читайте нас на
Яндекс Новости
ЯДВ

Россия паралимпийскай сүүмэрдэммит хамаандатыгар Саха сирин түөрт спорстмена киирбитэ. Хамаанда Рио-де-Жанейро Олимпиадатыттан туоратылынна. Үөскээбит быһыы-майгы бу иннинээҕи допины тутуу айдааныттан уратылаах. Ити туһунан өрөспүүбүлүкэ Идэлээх сойуустарын салайааччыта, Саха сирин Паралимпийскай кэмитиэтин баһылыга Николай Дегтярев эттэ.


«Билигин быһыы-майгы атын. 20 күн устатыгар Россия спорт арбитражнай суутугар ааһыныахтаах. Норуоттар икки ардыларынааҕы паралимпийскай кэмитиэти салайар Филип Крэйвен биһиги хамаандабытын туоратары көҕүлээтэ. Маныаха суут быһаарыытыттан барыта тутулуктанар», — диир кини.

Харбааһыҥҥа Анастасия Диодорова, ыарахан атлетикаҕа Владимир Балынец, волейболга Алена Дмитриева уонна ох саанан ытыыга Степанида Артахинова Москваҕа хомуурга, Паралимпиадаҕа бэлэмнэнэ сылдьаллар.

«Кинилэр допинг-тестэри аастылар, хайаларыгар да бобуулаах препараты туттуу суоҕа. Эмиэ ааспыттааҕы араллаан курдук, бу бэлитиичэскэй майгылаах. Саатар паралимпийецтары тыытыа суох этилэр. Төһөтүн да иһин, сиэрдээх быһыыга-майгыга эрэнэбит», —диэн Дегтярев этэр.

Следите за самым важным и интересным в Telegram-канале и WhatsApp-группе ЯСИА