Ааспыт нэдиэлэҕэ бильярд спордунан дьарыктанааччылар Илбэҥэҕэ баран күрэхтэһэн кэллилэр. Бүлүү улууһун нэһилиэктэригэр спорт бу көрүҥэ улаханнык биһирэнэр. Өрөспүүбүлүкэҕэ биллэр-көстөр оонньооччулардаахтар.
Горнай спортсменнара ыаллыы сытар Бүлүү, Кэбээйи бильярдистарын кытары сибээс олохтооннор уопут атастаспыттара хаһыс да сыллара. Маннык сырыылар маастарыстыбаларын үрдэтэллэригэр олус туһалаах диэн бэлиэтииллэр.
Илбэҥэҕэ ыытыллыбыт күрэхтэһиигэ Лөкөчөөн, Кэбээйиттэн Мастаах, Арыылаах хамаандалара “Невскай пирамида” быраабылатынан кииристилэр.
Биһиги уолаттарбытыттан Андрей Уразбахтин үһүс миэстэни ылары ситистэ. Анатолий Максимов, Николай Гермогенов, Александр Максимов, Герасим Дьяконов, Спиридон Владимиров куһаҕана суох оонньууну көрдөрдүлэр, суруйда Вячеслав Алексеев, @silatrudagorny
This post was published on 29.01.2024 14:01 14:01