27 Тохсунньу 27.01
  • -48°
  • $ 73,82
  • 83,32

Нерюнгрига үөрэтэр ыстаныы кэмигэр ойууру авиация көмөтүнэн харабыллыыр тэрилтэ парашютиһа үлтү түстэ

10:49, 13 апреля 2018
Текст:

Бэҕэһээ, муус устар 12 күнүгэр,үөрэтэр ыстаныы кэмигэр “Авиалесоохрана” Чульманнааҕы этэрээтин парашютиһа үлтү түстэ. Эмсэҕэлээбит киһи сүрүн парашюта кыайан аһыллыбатах, ол иһин саппааһын арыарга күһэллибит, онуоха ыстанар үрдүгэ сөбө суох буолбут. Билигин кини Нерюнгритааҕы киин балыыһаҕа сытар.

СИА-ҕа “Авиалесоохрана”тэрилтэ начаалынньыгын көтөр-производственнай үлэҕэ э.т. Святослав Подвойскай иһитиннэрбитинэн, быһылаан үөрэтэр ыстаныы үһүс күнүгэр буолбут. Эмсэҕэлээбит парашютист бу парашютунан 9-та ыстаммыт, онтон онуһугар кыайан аһыллыбатах.

“Эмсэҕэлээбит үлэһиппит 49 саастаах, улахан уопуттаах, кини 151-дэ парашюттаах ыстаммыта. Бу тэрилтэҕэ 2009 сылтан үлэлиир. Үөрэх кэмигэр кини атыттар курдук “Лесник-3” парашютунан ыстаммыта”, — диэтэ Святослав Подвойскай.

Балыыһа кылаабынай бырааһа Ньургун Степанов ойууру харыстааччы ыарахан туруктаах реанимацяҕа сытарын туһунан эттэ.

Санаайа Иванова, СИА.

0
0
27 января 27.01
  • -48°
  • $ 73,82
  • 83,32