Нерюнгри оройуонун полиция отделыгар цифровой уонна бытовой техника маҕаһыынын бэрэстэбиитэлиттэн сайабылыанньа киирдэ. Маҕаһыынтан баттах көннөрөр тэрил сүппүтүн туһунан суруллар.
Холуобунай ирдэбил сотрудниктара уорбаланааччыны туталлар. 47 саастаах олохтоох дьахтар, эрдэ уорууга холуобунай эппиэтинэскэ тардылла сылдьыбыта биллэр.
ИДьМ Саха сиринээҕи салаатын пресс-сулууспата иһитиннэрбитинэн, уорбаланааччы маҕаһыыҥҥа сылдьан, эрдэ бу тэрили ылыан баҕарбыт, алта тыһыынча кэриҥэ суумалаах баттах көннөрөргө хараҕа хатанар. Тэрили пакетка уктар.
Онтон каассаҕа кэлэр, атын табаардарга төлөбүр оҥорор уонна маҕаһыынтан тахсан барар. Баттахха туттуллар электроприборга төлөөбөт.
«Уоруу» ыстатыйанан холуобунай дьыала тэрилиннэ.
This post was published on 19.02.2025 14:51 14:51