4 Кулун тутар 04.03
  • -28°
  • $ 91,35
  • 99,11

Нерюнгри оройуонугар массыына түҥнэстибитин түмүгэр суоппар өллө

16:03, 19 сентября 2023
Читайте нас на
Яндекс Новости
ЯДВ

Нерюнгри оройуонугар массыына түҥнэстибитин түмүгэр суоппар өллө. Түҥнэстибит массыынаны «Лена» федеральнай суол 358-с километрыгар булбуттар, диэн Саха сиринээҕи ГИБДД иһитиннэрэр.

Биэдэмистибэҕэ чуолкайдаабыттарынан, суол кытыытыгар сытар тырааныспар туһунан иһитиннэрии балаҕан ыйын 18 күнүгэр киирбит. Түҥнэстибит «Тойота- Ленд- Крузер-Сигнус» массыынанан айаннаан испит эр киһи 1975 с. төрүөх буолара биллибит, кини Нерюнгриттан Иенгра диэки айаннаан испит.

Эр киһи аһары түргэнник айаннаан испит буолан, массыынатын кыайан салайбакка суол кытыытыгар түҥнэстибит. Суоппар ылбыт эчэйиититтэн быһылаан тахсыбыт сиригэр суһал көмө кэлиэр диэри өлбүт. Кини куттал суох буолуутун хааччыйар курун иилиммэккэ олорбут, массыынаҕа соҕотох айаннаан испитэ биллэр.  Саахал тахсыбыт кэмигэр бу киһи итирик эбэтэр өйдөөх олорбутун анал экспертиза быһаарыаҕа.

Матырыйааллары силиэстийэлиир уорганнарга ыыттылар.

Следите за самым важным и интересным в Telegram-канале и WhatsApp-группе ЯСИА