Хас нэдиэлэ ахсын гуманитарнай таһаҕаһы Мииринэй куорат волонтердара Саха сириттэн анал байыаннай дьайыы буойуттарыгар ыыталлар. Бу туһунан бэҕэһээ «Якутия24» телеханаал «Актуальнай интервью» биэриитигэр Аҕа дойду буойуттарын дьиэ кэргэттэрин кэмитиэтин чилиэнэ, волонтер Ирина Федорова иһитиннэрдэ.
«Волонтер буолуу анал байыаннай дьайыыга кыттар уолуҥ аттыгар баар буоларыҥ кэриэтэ. Уолаттар онно биһиэхэ, оттон биһиги кинилэргэ анаан манна сылдьабыт. Биһиги байыастарбытыгар көмөлөһөр олус наадалаах. Бииргэ түмсүөххэ, уолаттарбыт фроҥҥа сарын-санныларыттан өйөнсөн сылдьалларын курдук, туруохха наада. Бу дойдубут хас биирдии киһитин дьыалата», — диэн Ирина Федорова үллэһиннэ.
Кини Аҕа дойду буойуттарын дьиэ кэргэттэрин кэмитиэтэ, байыаннай сулууспалаахтар бэйэлэрин дьиэ кэргэттэрин туһугар холкутук сылдьалларыгар, наадалаах көмөнү барытын оҥороругар эрэллээҕин бэлиэтээтэ.
This post was published on 11.11.2025 16:17 16:17