29 Бэс ыйа 29.06
  • -7°
  • $ 104,68
  • 115,6

Нэһилиэктэр бары баһаар сезонугар ыам ыйын 1 күнүгэр бэлэм буолуохтаахтар

2022 сыл ыам ыйын 1 күнүгэр диэри Саха сирин нэһилиэктэрэ баһаар сезонугар бэлэм буолуохтаахтар. Ол туһунан өрөспүүбүлүкэ бастакы вице-премьера Дмитрий Садовников суһал штаб мунньаҕар эттэ, регион сүрүн пресс-сулууспата иһитиннэрдэ.

«Сүрүннээн регион баһаар сезонугар бэлэм. Үбүлээһин улаатан, элбэх үлэ барда. Билигин  кэһиилэри туоратыыга күүстээх хамсааһын барар. Туруоруллубут соруктары толорууну хонтуруоллуоххутун наада», — диэтэ Дмитрий Садовников улуус баһылыктарыгар.

Россия ЫБММ регионнааҕы управлениетын салайааччытын солбуйааччыта Виталий Немцов иһитиннэрбитинэн, бүгүҥҥү күҥҥэ 98 нэһилиэнньэлээх пууҥҥа кэһии баар. Сүрүннээн баһаары тохтотор хайдыылары, минерализованнай балаһалары, нэһилиэнньэни суһаллык иһитиннэрии систиэмэтин оҥорууну кытта сибээстээх.

Инфокоммуникационнай технологиялар өрөспүүбүлүкэтээҕи киинин былааннамматах бэрэбиэркэтин түмүгүнэн, баһаар буолуон сөптөөх 282 нэһилиэнньэлээх пууҥҥа 329 иһитиннэрэр комплекс турар. Олортон үлэлиирэ — 290. Онон бу күннэргэ атыттар үлэлиир тэтимҥэ киллэриллиэхтээх.

Олохтоох бэйэни салайыныы уоргаттара Мининновацияны кытта сотовай сибээскэ үлэлиэхтээхтэр. Чуолаан, үс оператор сотовай сибээһин Нам оройуонун Ымыйахтааҕар киллэриэхтээхтэр. «Вымпел-Коммуникации» тэрилтэ Партизантан сотовай сибээс хабыытын кэҥэтэн биэриэхтээх, оччоҕуна Никольскайга сибээс тупсар.
Следите за самым важным и интересным в Telegram-канале и WhatsApp-группе ЯСИА
0
0