2018 сыллааҕы навигацияҕа 3 мөл тонна таһаҕаһы тиэйэргэ соруктаналлар. Бу туһунан бырабыыталыстыба мунньаҕар Саха сирин Нэһилиэнньэтин олоҕор куттал суох буолуутун хааччыйыыга судаарыстыбаннай кэмитиэт бэрэссэдээтэлэ Юрий Зайцев иһитиннэрдэ.
2017 сылы кытта тэҥнээтэххэ таһаҕаһы тиэйии кээмэйэ 143 тыһыынча тоннанан аччаата. “2018 сыллааҕы навигацияҕа Саха сиригэр 3 мөл тонна таһаҕаһы тиэйэргэ соруктанабыт, ол иһигэр олоҕу хаачыйыыга уонна производственнай наадыйыыларга – 1 мөл 150 тыһ тоннаны”, — диэн Юрий Заболев бэлиэтээтэ.
Госкэмитиэт бэрэссэдээтэлэ этэринэн, суудуналар сырыылара муус хайдах барарыттан тутулуктаах. Былырыын Өлүөнэҕэ навигация ыам ыйын 3 күнүгэр, 2016 с – ыам ыйын 9 күнүгэр арыллыбыта.
Тырааныспар миниистирэ Семен Винокуров этэринэн, быйылгы навигацияҕа 704 флоту үлэлэтиэхтэрэ. Былырыын 772 этэ.
Кэнники сылларга навигация уустук усулуобуйаларга ааһар, ити Өлүөнэ өрүс үөһээ өттүгэр уу таһыма намыһаҕыттан сибээстээх.
Григорий Фоменко, СИА.
