Саха Өрөспүүбүлүкэтин национальнай библиотекатын электроннай өҥө секторын сотрудниктара босуобуйалары уонна төлөбүрдэри ылыыга докумуоннары толорууга көмөлөһөллөр.
Хат буолуу уонна төрөөһүн босуобуйата; бастакыгын оҕолонноххуна (оҕо ииттэ ыллахха) көрүллэр биир кэмнээх харчынан төлөбүр; үлэлээбэт төрөппүккэ оҕо төрөөтөҕүнэ биир кэмнээх төлөбүр; бастакы оҕону төрөттөххө (ииттэ ыллахха) ыйдааҕы төлөбүр (Путин босуобуйата); 0 — 16 саастаах оҕоҕо ыйдааҕы босуобуйа (кыаммат ыалларга); үһүс уонна онтон кэлэр оҕоҕун төрөттөххүнэ (ииттэ ыллаххына) ыйдааҕы төлөбүр (Ил Дархан босуобуйата); 3 — 7 саастаах оҕоҕо харчынан төлөбүр; 8 — 17 саастаахтарга ыйдааҕы төлөбүр; ийэ хапытаалыгар сертификат; иккис оҕоҕо регионнааҕы ийэ хапытаала; үһүс уонна онтон кэлэр оҕолорго «Ыал» өрөспүүбүлүкэтээҕи ийэ хапытаала; «Үйэ оҕолоро» биир кэмнээх сыаллаах төлөбүр; оскуола таҥаһын, спортивнай көстүүм, атын оҕо таҥаһын ылыыга сыллааҕы төлөбүр.
Маны сэргэ маннык ыспыраапкалары ылыахха сөп: оҕоҕо босуобуйа ылар туһунан (үүт куухунатыгар); кыаммат ыал буоларын туоһулуур; устудьуоҥҥа социальнай стипендия ылыытыгар.
Өҥө маннык аадырыска оҥоһуллар: Дьокуускай, Ленин проспега, 40 нүөмэрдээх дьиэтэ.
Бэнидиэнньиктэн бээтинсэҕэ диэри 10:00 — 18:00 үлэлииллэр, эрдэ суруйтарар нүөмэргит 8 (4112) 455-855.
«Уһук Илиҥҥи гектар» бырагыраама кыттыылааҕа буолуон баҕалаахтарга эмиэ көмөлөһөллөр.
This post was published on 08.11.2022 16:28 16:28