Саха сирэ Уус Алдан улууһугар буолар Норуоттар спартакиадаларыгар бэлэмнэнэр. Байаҕантай нэһилиэгин олохтооҕо Наталия Андросова «Саха сирин норуоттарын VIII-с спортивнай оонньууларын каартата» паннону тиктэ.
Уус Алдан улууһун олохтооҕо, норуот маастара Наталия Андросова Саха сирин автономиятын 100 сылыгар, Саха сирин норуоттарын VIII-с спортивнай оонньууларыгар анаан ыра санаа буола сылдьыбыт биир улахан, сөҕүмэр кэрэ үлэтин түмүктээтэ. Ол эбэтэр, улуустар дьаралыктарын түмпүт улахан 255*158 иэннээх панно тигилиннэ.
Панно Байаҕантай нэһилиэгин ыһыаҕын кэмигэр быыстапкаҕа турда, үрдүк биһирэбили, сыанабылы ылла.
Наталия Егоровна паннотун кыбытык, быысапка уонна аппликация иис ньымаларынан бүүс- бүтүннүү илиитинэн тиктэ.
Источник: мюрюгазета.рф
This post was published on 30.06.2022 16:01 16:01