Ил Түмэн уон иккис (уочараттаах) пленарнай мунньаҕар Саха сирин депутаттара бастакы ааҕыыга «О некоторых гарантиях особого статуса педагогических работников» сокуону ылыннылар. Сокуон бырайыага педагогическай үлэһит идэтин этикатын балаһыанньатын бөҕөргөтөр, педагогическай үлэһиттэр квалификацияларын үрдэтиигэ уонна тохтоло суох идэлэринэн сайдалларыгар миэрэлэри ылынар, эдэр исписэлиистэри социальнай өттүнэн өйүүр, үөрэх тэрилтэлэригэр настаабынньыктар иснституттарын оҥорор.
«Педагог идэтэ биир сүрүн социальнай суолталаах. Педагог, учуутал үлэтинэн дойду уопсастыбатын инникитэ оҥоһуллар. Сокуон барыла үөрэх эйгэтигэр көрсөр сыһыанаһыылары бигэргэтэр», — диэтэ наукаҕа уонна үөрэххэ сис кэмитиэт бэрэссэдээтэлэ Антонина Григорьева.
Сокуон 2026 сыл тохсунньу 1 күнүттэн үлэтин саҕалыаҕа.
Үбүнэн хааччыллыыта «Развитие образования Республики Саха (Якутия)» судаарыстыбаннай бырагырааманан көрүллүөҕэ.
This post was published on 25.04.2025 17:02 17:02