Хамаҕатта нэһилиэгэр «Түһүлгэ» норуот айымньытын киинигэр бэҕэһээ, сэтинньи 16 күнүгэр, төрөөбүт тылбытын харыстыырга семинар буолла. диэн Эҥсиэли хаһыат телеграм-ханаала суруйар.
«Тупсууна» дьахтар сүбэтэ көҕүлээһининэн, төрөөбүт тылбытын харыстаан, үүнэр көлүөнэҕэ чөл туруктаах тиэрдэр туһугар, «Ийэ тыл кэскилэ» аһаҕас кэпсэтии түһүлгэтэ тэрилиннэ. Ийэ тыл кэскилин туһугар дууһаларынан ыалдьар 62 киһи кыттыыны ылла, ол иһиттэн 14 оҕо.
Семинары «Тупсууна» дьахталлар түмсүүлэрин салайааччыта Саргылана Индеева уонна Наина Никитина иилээн ыыттылар. Түмүккэ үүнэр 2024 сылы нэһилиэккэ Төрөөбүт тыл сылынан биллэрэргэ этии киллэрдилэр.
Мария Винокурова
This post was published on 17.11.2023 12:36 12:36