3 От ыйа 03.07
  • 17°
  • $ 78,65
  • 92,68

Нам улууһун дьаһалтата билии күнүгэр дневник туттарда

10:34, 08 сентября 2016
Текст:
Читайте нас на
Яндекс Новости
ЯДВ

Сайыҥҥы сынньалаҥ бүтэн, саҥа үөрэх дьыла саҕаланан, бастакы чугдаар чуораан чугдааран үөрэнээччилэри үөрэх-билии кыһатыгар түмтэ.


2016-2017 с. үөрэх дьылыгар Нам улууһугар – уопсайа 3 808 оҕо оскуолаҕа үөрэниэҕэ. Ол иһиттэн оскуола боруогун саҥа атыллаан, билии аартыгар 441 оҕо үктэннэ. Быйыл бастакы кылааска киирэр кырачааннарга «Нам улууһа» муниципальнай тэриллии сакааһынан Н.М. Рыкунов аатынан улуустааҕы библиотека редакционнай-издательскай секторыгар Нам улууһун үөрэнээччитин дневнигэ бэчээттэнэн таҕыста. Онон билии күнүгэр хас биирдии бастакы кылааска киирбит оҕолор Нам улууһун дьаһалтатын аатыттан бу дневниги үөрэ-көтө туттулар.

Дневник үөрэнээччилэргэ патриотическай тыыны саҕарга анаан Российскай федерация президенэ Владимир Путин, Саха республикатын Ил Дархана Егор Борисов уонна улуус баһылыга Александр Атласов мэтириэттэрэ, дойдуларбыт гимнэрэ уонна символическай бэлиэлэрэ, улуус каартата киирдилэр. Маны таһынан, хас биирдии үөрэнээччи улууһун чаҕылхай дьонун билэрин туһугар Максим Кирович Аммосов уонна Илья Егорович Винокуров туһунан билиһиннэрэр информация баар.

Следите за самым важным и интересным в Telegram-канале и WhatsApp-группе ЯСИА