Н.М. Рыкунов аатынан Нам улуустааҕы киин библиотека конференц-саалатыгар «Улуу Кыайыы өлбөөдүйбэт чаҕыла» саҥа кинигэ сүрэхтэниитэ киэҥ ис хоһоонноохтук буолла.
Хомуурунньугу РФ үөрэҕириитин туйгуна, СӨ суруйааччыларын сойууһун чилиэнэ Алексей Татаринов-Удьурҕай салайар Нам улууһун «Отуу уота» литературнай түмсүүтэ таһаарда.
Кинигэҕэ ааптардар Улуу Кыайыы 80 сылыгар уонна билигин буола турар байыаннай дьайыыга анаммыт саҥа айымньылара түмүллэн киирбиттэр. Ахтыыларга, айымньыларга уоттаах сэрии ыар кэмнэрэ сырдатыллаллар. Хоһооннорго анал байыаннай дьайыыга сылдьар эдэркээн дьон дьылҕатыгар долгуйуу, эйэлээх олоххо ыҥырыы иэйиилээхтик этиллэллэр.
Кинигэни бу түмсүү кыттыылаахтара Прасковья Байанаева, Мария Мохначевская — Марта-Мария хомуйан оҥорбуттар. Кинигэ 140 стр., 200 ахсаанынан, «Дани-Алмас» кинигэ кыһатыгар бэчээттэнэн тахсыбыт.
Айар куттаахтар сэргэх, истиҥ көрсүһүүлэрэ буолла, суруйда Касьян Олесов-Олук @gazetaensieli
This post was published on 17.10.2025 11:06 11:06