Сылгыһыт күнүнэн Нам улууһугар саха боруода аттара кыттыылаах улахан сүүрдүү буолуоҕа. Кулун тутар 24 күнүгэр алта улуустан 50 ат сүүрдээччи кыайыы иһин түһүнүөхтэрэ.
Аттар Өргөлөөх сэлиэнньэтиттэн Партизан сэлиэнньэтин “Үчүгэй алаас” ипподромугар” тиийиэхтэрэ. Саха аттара 60 км уһуну сүүрүөхтэрэ.
“Саха сиригэр маннык күрэхтэһиилэр урут буолаллар этэ. Тэрийээччилэр бу урукку үгэһи Сылгыһыт күнүгэр анаан сөргүтэргэ соруннулар”, — диэн СИА-ҕа СӨ Тыа хаһаайыстыбатын уонна аска-үөлгэ бэлиитикэтин министиэристибэтиттэн иһитиннэрдилэр.
Аты 18 үөһээ саастаах дьон сүүрдүөхтэрэ. Хас 20 км ахсын хонтуруоллуур тохтобуллар олохтоннулар, манна сүүрдээччилэр сынньаныахтара уонна аттары көрүөхтэрэ. Сүүрдүү 10 чаас 30 мүнүүтэттэн кулун тутар 24 күнүгэр саҕаланыаҕа.
This post was published on 22.03.2018 15:00 15:00