29 Сэтинньи 29.11
  • -33°
  • $ 60,75
  • 63,3

Нам улууһугар окко былаан туолла, хомуур салҕанар

Намнааҕы ТХУ иһитиннэриитинэн, 20 340 га ходуһа охсуллубутуттан 27 459 т (былааммыт – 27 391 т) оту бэлэмнээбиттэр. Ол эбэтэр, улууспутугар былаан туолуута 100,248%-ҥа тэҥнэстэ. Сводкаттан ылан көрдөххө, кэккэ нэһилиэктэр былааннарын куоһарбыттар, сорохтор толорботохтор.

Былааннарын куоһарбыт нэһилиэктэр: Арбын, Үөдэй, Көбөкөн, Никольскай, Партизан, Салбаҥ, Түбэ, Хамаҕатта, Маймаҕа, 1-кы уонна 2-с Хомустаах. Искра, Модут отчуттара 99%-тан тахсыбыттар, бу күннэргэ толорор буолуохтаахтар. Онтон атын нэһилиэктэр былааннара арыый да кыра. Ити кыһалҕаны туоратарга бэйэбит улууспут иһиттэн от атыылаһан туоруулларыгар тиийэллэр.

Биһиги улууспут оттооһун былаанын толорууга республикаҕа инники кирбиигэ тахсыбыппыт. Онтон атын улуустар Амма, Мэҥэ Хаҥалас, Таатта, Чурапчы уонна Дьокуускай куорат 90%-ны куоһарбыттар. Итинтэн көрдөххө, кыстыкка толору бэлэммит көстөр. Оччотугар, саас атын улуустан, республика таһыттан от атыы-лаһыы кыһалҕата турбатар ханнык.

Алтынньы 3 күнүнээҕи туругунан, бааһынай хаһаайыстыбалар 479 га иэннээх бааһынаҕа олордубут хортуоппуйдарын хостоон бүтэрбиттэр. Былаан быһыытынан 4948 т хортуоппуй хостонуохтааҕыттан валовойынан 4106 т ылбыттар. Онтон оҕуруот аһын хомуура күргүөмнээхтик бара турар, бу нэдиэлэҕэ хаппыыста быһыыта түмүктэниэхтээх.

Семен Аргунов, Эҥсиэли

Следите за самым важным и интересным в Telegram-канале и WhatsApp-группе ЯСИА
0
0