25 От ыйа 25.07
  • 24°
  • $ 86,55
  • 94,38

Нам улууһугар Николай Архипов аатынан ветеринария скверэ арылынна

Читайте нас на
Яндекс Новости
ЯДВ

Нам улууһугар бэлиэ күн – улуустааҕы ветеринария сулууспата төрүттэммитэ 100 сыла. Ол курдук, Нам сэлиэнньэтигэр бүгүн Николай Архипов аатынан ветеринария скверэ арылынна.

“100 сыллаах үбүлүөйбүтүнэн Архипов Николай Егорович аатынан ветеринария скверэ олоххо киирэригэр күүс-көмө буолбуттарга, республика, улуус салалталарыгар, ветераннарбытыгар, сквергэ үлэлэспиттэргэ махтанабыт. Сквергэ хас биирдии ветеринар аата сурулунна”, – диир начальник Прокопий Окоемов.

Николай Архипов ветеринария салалтатын 1989-2006 сс. салайбыт кэмнэригэр, улууска ветеринарнай сулууспа өссө ордук сайдарыгар сыратын уурбут киһинэн биллэр. Николай Егорович 1991 сыллаахха управление уонна лаборатория саҥа корпуһун ситэри туттаран олоххо киллэрбит.

Бүгүҥҥү үөрүүлээх күҥҥэ тыл этээччилэр, Николай Архипов кэргэнэ Августа Протопопова, Нам уонна Эдьигээн улуустарын ветеринарнай сулууспатын салайааччыта Прокопий Окоемов уонна доҕотторун аатыттан Михаил Кузьмин Николай Архипов олоххо дэҥҥэ көстөр үтүө майгылаах киһи буоларын бэлиэтииллэр.

“Нам улууһугар ветеринарнай сулууспа тэриллибитэ100 сыла – историческай бэлиэ күн. Улуус тыатын хаһаайыстыбатын ынаҕа, сылгыта чөл буоларыгар 100 сыл устата үгүс көлүөнэ үлэһит дьон кыһыны-сайыны аахсыбакка, хаар-ардах аннынан сыраларын ууран үлэлээн аастаҕа. төһөлөөх сыраны-сылбаны уурбуттара буолуой.

Аҕа саастаах ветераннар бүгүҥҥү күҥҥэ тиийэн кэлбиппит дьолбут буолар. Түөрт оҕо аҕата, элбэх сиэн эһэтэ, биһиги дьиэ кэргэн аҕа баһылыга Николай Егорович дьоҥҥо киһилии сыһыаннааҕын бастыҥ хаачыстыбатынан сыаналыыбын. Кини төһө кыалларынан, куруук барыларыгар көмөлөһө сатыыра. Сквер арыллыытыгар сүүрбүт-көппүт, үлэлээбит, туруорсубут дьоҥҥо, коллективка дьиэ кэргэним аатыттан улахан махталбын тиэрдэбин”, – диир кэргэнэ Августа Ивановна.

Харысхан Попов, Эҥсиэли

Следите за самым важным и интересным в Telegram-канале и WhatsApp-группе ЯСИА
Тутаах тыллар