Нам улууһугар “Возрождение” хампаанньа керамическай кирпииччэни оҥорор собуоту тутуоҕа. Саҥа тэрилтэ 2023 сылга толору кыаҕынан үлэлиэҕэ. Собуот туойдаах сир таһыгар үлэлиирэ күүтүллэр. Научнай өттүнэн ХИФУ Инженернэй-техническэй институтун лабораторията көмөлөһүөҕэ. Манна сырье уонна оҥоһуллар бородууксуйа ГОСТ ирдэбиллэригэр чинчийиини ааһыахтара. Инвестор 0,02 млрд солкуобайы укта.
Собуот сылга 30 мөл устуука кирпииччэни оҥорон таһаарыаҕа.
Тутуу матырыйаала өрөспүүбүлүкэҕэ олус наадалаах. “Биһиги керамическай бородууксуйа 4 көрүҥүн таһаарыахпыт. Кирпииччэ чэпчэки ыйааһыннаах буолан, ханнык баҕарар килиимэт усулуобуйатыгар туттуллар, киһи доруобуйатыгар буортута суох”, — диэтэ хампаанньа бэрэстэбиитэлэ.
СИА.
