21 От ыйа 21.07
  • 28°
  • $ 88,02
  • 96,04

Нам улууһугар былааннаах үлэ тохтообот

12:02, 11 декабря 2020
Текст:
Читайте нас на
Яндекс Новости
ЯДВ

Нам улууһун пресс-сулууспата социальнай ситимнэргэ иһитиннэрбитинэн, оройуоҥҥа ааспыт нэдиэлэҕэ олус суолталаах тэрээһиннэр буоллулар. Сыстыганнаах дьаҥынан биллэриллибит пандемия кэмигэр муниципалитет Ил Дархан ыйааҕар сөп түбэһиннэрэн, үлэҕэ сөптөөх дьаһалы ылар.


Нам улууһун урбаанньыта Петр Соловьев «Эти оҥорон таһаарыыга аналлаах эбийиэги туттууга ороскуотун сорох чааһын үбүлээһин» тыа хаһаайыстыбатын муниципальнай бырагырааматыгар кыттан, куонкуруска кыайан, 800 тыһ. солк. ылан, Никольскай нэһилиэгэр эт аһы ыыһыыр сыаҕы аһан үлэтин саҕалаата.

Ахсынньы 9 күнүттэн Өлүөнэ өрүһү туоруур Хатас-Нам мууһунан айан суола 3 туоннаҕа диэри уйуктаах массыыналарга аһылынна. «Бу күннэргэ халлаан биллэ тымныйда, улуустааҕы биир кэлим дьуһуурустуба сулууспата хас биирдии олохтооҕу, тэрилтэ салайааччыларын тымныыттан, баһаартан сэрэхтээх буолалларыгар сүбэлиир. Ыраах айантан туттунуҥ, дьиэҕитин-уоккутун көрүнэ сылдьыҥ«, — диэн суруйар пресс-сулууспа.

Пандемия саҕаланыаҕыттан Саха Өрөспүүбүлүкэтин доруобуйа харыстабылын министиэристибэтэ Намнааҕы кииннэммит балыыһаҕа уопсайа 10-ча мөл солк суумаҕа медицинскэй оборудованиелары туттарда. 2 ИВЛ аппараата, 2 салгын концентратоа, электрическэй вакуумнай оботторор тэрил, ыарыһахха аналлаах монитор, электрокардиограф, офтальмолог кабинетыгар аналлаах 3 аппараат уонна портативнай УЗИ аппараат. Оборудованиелар холбонон үлэлии тураллар.

Следите за самым важным и интересным в Telegram-канале и WhatsApp-группе ЯСИА
Тутаах тыллар