Бүгүн — сарсын Нам улууһугар тренер, энтузиаст Андрей Петрович Ушницкай кэриэһигэр сэттис төгүлүн хабылыкка, хаамыскаҕа өрөспүүбүлүкэтээҕи турнира буолар.
Алтынньы 25 күнүгэр Нам сэлиэнньэтигэр КСК-ҕа республика бастыҥнара, саҥа саҕалааччылар хамаанданан эстафетаҕа кыттыахтара. Ону тэҥэ, хаамысканан умсаах күөрэгэй, сулус диэн көрүҥнэри оонньуохтара.
Турнир иккис күнүгэр хабылык, 5-тээх, 7-лээх хаамыска сытыы киирсиилэрэ күүтэллэр. Түмүккэ турнир муҥутуур кыайыылааҕа аатын былдьаһыахтара. Кыайыылаахтар, призердар мэтээллэринэн, грамотанан бэлиэтэниэхтэрэ. Бастыҥнары анал бириистэр күүтэллэр, суруйда Маргарита Охлопкова «Эҥсиэли» хаһыат.
This post was published on 25.10.2024 10:03 10:03