Олохтоох көҕүлээһиннэри өйүүр бырагыраама (ППМИ) үлэлиир буолан, Нам улууһугар үгүс саҥардыылар, дьон сынньанарыгар табыгастаах сирдэр баар буолаллар.
Ленскэй нэһилиэк олохтоох дьаһалтата быйыл ППМИ үлэлэһэн, Нам сэлиэнньэтин хоту эҥэригэр уу ситимин магистралын таттарда. Бэлиэтээн эттэххэ, быйыл уу кэлиитэ хаһааҥҥытааҕар да үчүгэйдик үлэлээтэ. Нэһилиэнньэ махтанар.
Нам сэлиэнньэтигэр ППМИ күүһэ балачча сирдэргэ үлэни ыытта. Холобура, 2024 сыллаахха Нэлэгэр микрооройуон Намская уулуссаҕа 3 км уһуннаах уу ситимин турбата тардыллыбыта. Ону тэҥэ, ол сыл Колхознай уулусса саҥардыллан оҥоһуллубута.
Нэһилиэнньэ маннык олохтоох көҕүлээһиннэри өйүүр бырагыраамаҕа (ППМИ) көхтөөхтүк кыттан, биир киһи курдук куоластаан, олорор түөлбэлэрин сайыннараллар, нэһилиэктэрин, сэлиэнньэлэрин тупсараллар.
Ааптар: Харысхан Попов.
This post was published on 14.11.2025 14:33 14:33