Нам улууһугар быйыл ыытыллыахтаах Бүтүн Россиятааҕы тыа хаһаайыстыбатын биэрэпиһигэр бэлэмнэниигэ анаан 2015 сылга Нам улууһун баһылыга Александр Атласов дьаһалынан элбэх семинардар мунньахтар, тэрээһин үлэлэр ыытыллыбыттара.
Быйыл олунньу ыйтан саҕалаан биэрэпискэ бэлэмнэнии үлэлэр салҕанан, биэрэпискэ хабыллар объектар испииһэктэрин, ынах сүөһү, сылгы, сибиинньэ, куурусса ахсаанын сыл түмүгүнээҕи көрдөрүүтүн кытта тэҥнээһин үлэлэр бара тураллар. Нэһилиэктэр дьаһалталара биэрэпискэ бэлэмнэниини улахан болҕомтоҕо ылан, хаһаайыстыбаннай кинигэлэр сыл түмүгүнэн туолууларын, биэрэпиһи ыытарга тэриллибит хамыыһыйалар үлэлэрин хонтуруолга ылаллар.
Былаан быһыытынан, сайыҥны өттүгэр суола-ииһэ суох Салбаҥҥа, тургутар биэрэпиһи кулун тутарга ыытыахтара.
This post was published on 01.03.2016 16:39 16:39