21 От ыйа 21.07
  • 25°
  • $ 88,02
  • 96,04

Нам оҕолоро кик-боксиҥҥа бэркэ кииристилэр

11:21, 26 ноября 2018
Текст:
Читайте нас на
Яндекс Новости
ЯДВ

Сэтинньигэ Дьокуускай куоракка «Дохсун» спортивнай комплекс баараҕай уораҕайыгар оҕолор ортолоругар кикбоксиҥҥа Саха Өрөспүүбүлүкэтин Кубога ыытыллыбыта. Барыта 12 хамаанда саастарынан үс бөлөххө арахсан, олус тыҥааһыннаах уонна интэриэһинэй киирсиилэр буолбуттара. Бу күрэхтэһиигэ Д.В. Черноградскай тренердээх Нам улууһун хамаандата кэккэ үчүгэй ситиһиилэрдээх кэллэ.


Нам оҕолоро кик-боксиҥҥа өрөспүүбүлүкэ күрэҕэр бэккэ кииристилэр. Ордук чаҕылхайдык 16-17 саастаах уолаттарга Максим Эверстов 57 киилэҕэ күрэхтэстэ: тэҥнээҕин булбата. Кини бииргэ эрчиллэр табаарыстара: Дьулусхан Петров (54 киилэҕэ) иккис, Дьулустаан Сивцев (60 киилэҕэ) үһүс, Витя Шапошников (52 киилэҕэ) үһүс уонна кыргыттарга Василина Сивцева (50 киилэҕэ) иккис миэстэни ыллылар.

14-15 саастаах оҕолорго: Вова Попов (57 киилэҕэ) иккис, Иосиф Намылов (45 киилэҕэ) иккис, Алик Попов (45 киилэҕэ) үһүс, Арсений Слепцов (60 киилэҕэ) үһүс миэстэлэри ыллылар. 12-13 саастаах кыра уолаттарга Вадим Кривошапкин (48 киилэҕэ) иккис миэстэни ылла.

Үгүс оҕолор финалга тиийэ кыттан эрэл санааны хааллардылар. Маны кинилэр тренердэрэ Дмитрий Валентинович эрчийиитин, сыралаах үлэтин түмүгэ кэрэһэлиир.

 Ааптар: ОНТУОН

Следите за самым важным и интересным в Telegram-канале и WhatsApp-группе ЯСИА