От ыйын 28 күнүнээҕи туругунан, быйыл күһүн үлэҕэ киириэхтээх уһуйаан 70% бүппүт. Түннүктэр бары турбуттар, иһэ гипсокартонунан бүрүллүбүт.Кирилиэстэр оҥоһуллаллар, ититэр ситимэ сыбааркаланар. Ис өттүгэр штукатурка үлэтэ барар.
Киин хочуолунай быйыл саҥалыы уларыйыахтаах. Эргэ тэриллэр бары көтүллэн таһаарыллыбыттар, үс саҥа хочуолу туруорбуттар. Оҥорооччулар матырыйаал барыта баар буоллаҕына, оттук сезона саҕаланарыгар бүтэрэр былааннаахтар.
МФЦ тутуута кэминэн баран иһэр. Бастакы этээс муостата кутуллан бүппүт, иккис этээс стойкаларын туруора сылдьаллар. Күннээх Таджикистан уолаттара үлэттэн саллыбаттар. Халыҥ таҥастаах үлэлээн бурҕата сылдьаллар.
«Республика» диэн сквер тутуллуохтаах сиригэр эргэ дьиэлэр көтүллэн, кумах кутуллан тэҥнэнэн бүппүт. Бу туһунан нэһилиэк пресс-киинэ иһитиннэрэр.
«Эҥсиэли» хаһыат
