29 Сэтинньи 29.11
  • -33°
  • $ 60,75
  • 63,3

Нам Хамаҕаттатыгар саҥа оскуола аһыллыытыгар бэлэмнэнэллэр

Хамаҕаттаҕа быйыл Ефим Михайлович Шапошников аатынан орто оскуола саҥа дьиэтэ балаҕан ыйын 1 күнүгэр үөрүүлээх быһыыга-майгыга үөрэх-билии киэҥ аартыгын аһаары бэлэмнэнэ сылдьар.

Оскуолабыт тас өттө араас үчүгэйкээн мастарынан киэркэйэн эрэриттэн киһи көрөн үөрэр, долгуйар. Оскуола дириэктэрин солбуйааччы Парникова Надежда Анатольевна иһитиннэриитинэн, быйыл саҥа оскуолабыт тупсаҕай көстүүлэннин, доруобуйаҕа туһалаах буоллун диэн араас кэмҥэ Хамаҕатта орто оскуолатыгар үөрэммит дьон кэлэн мастары бэйэлэрин баҕа өттүлэринэн үөрэ-көтө олортулар. Ол курдук: 1978 сыл выпускниктара 3 акация, 3 черемуха, бузина. 1992 сыл выпускниктара 5 маһы олордон барбыттара. 1986 сыл выпускниктара

«Төлөннөөх сүрэхтэр» бу күннэргэ сирень мастары олордоору бэлэмнии сылдьаллар. Ону тэҥэ балаҕан ыйын 1 күнүгэр ыҥырыылаах күндү ыалдьыттар эмиэ мас арааһын дьоро күҥҥэ олордуохтаахтар. Оскуола оҕолоро бу үтүө дьыалаттан эмиэ туора турбаттара чахчы. Үгэскэ кубулуйбут үтүө дьыала, кэрэ көстүү дэлэйдин диэн санааттан, бэйэлэрин сэмэй кылааттарын киллэрэргэ долгуйа бэлэмнэнэ сылдьаллар.

Саҥа оскуолабыт өссө тупсан, сандааран оҕолорго билии киэҥ аартыгар төһүү күүс, сырдык сыдьаай буолан олохторун көнө суолларыгар үктэнэллэригэр тирэх буоллун диэн баҕа санаалары аныах тустаахпыт.

Сардаана Ушницкая,
Эҥсиэли

Следите за самым важным и интересным в Telegram-канале и WhatsApp-группе ЯСИА
0
0