Саха сиригэр «Нам» айан суолугар аспаал ууруута саҕаланна. Суол үлэтэ «Инфраструктура для жизни» нацбырайыак чэрчитинэн ыытыллар, кыраапыгы биир сыл эрдэлээн иһэр. Ол туһунан суол управлениета иһитиннэрдэ.
«Нам» регион суолун 34-с — 39-с килэмиэтирин өрөмүөнүгэр «Сэттэ» ДРСУ тэрилтэ бэдэрээттэһэн үлэлиир. Суолу бөҕөргөтүүгэ тымныы регенерация ньымата туттуллар, аллара дьапталҕатыгар 1,5 км аспаал-бетон уурулунна. Салгыы күн аайы 1-дии км барыахтаахтар. Маны сэргэ бэдэрээччит үс ууну аһардар тимир турбаны таҥыыны толору бүтэрдэ.
Суол управлениетыгар иһитиннэрбиттэринэн, эбийиэк 2026 сыл балаҕан ыйыгар туттарыллыахтаах, ити эрээри бэдэрээччит бу сыл от ыйыгар бүтэрэрдии үлэлии сылдьар.
This post was published on 23.05.2025 18:03 18:03