28 Тохсунньу 28.01
  • -48°
  • $ 73,82
  • 83,32

Намҥа «Олоҥхо бэргэн тыла» тэрээһин тэрийдилэр

17:05, 01 марта 2016
Текст:

Олунньу бүтүүтэ Прокопий Ядрихинскай-Бэдьээлэ аатынан Олоҥхо дьиэтигэр төрөөбүт тыл күнүн чэрчитинэн анаан эдэр специалистар — учууталлар, быраастар, ыччат лидердэрин икки ардыларыгар «Олоҥхо бэргэн тыла» диэн олус интэриэһинэй улуустааҕы күрэхтэһии ыытылынна. 


Хамаандалар ох курдук оҥостон, бэркэ диэн бэлэмнэнэн кэлбиттэрэ олус кэрэхсэбиллээх. Ордук үрүҥ халааттаах аанньалларбытын бэлиэтиэххэ наада: сахалыы таҥастара-саптара, ас эгэлгэтин астаан аҕалбыттара, норуот ырыатын туттан-хаптан толорбуттара көрүөхтэн кэрэ, эриэккэс. Ордук долгутуулаах түгэнинэн «Толкуйдаа, онньоо, кыай» оонньуута буолла. Хамаандаттан үстүү киһи кытынна. Толкуйдарын тобулан, өйдөрүн сааһылаан, урут оскуолаҕа үөрэппиттэрин хатылаан ыллылар. Манна саха суруйааччыларын, Нам олоҥхоһуттарын хаартысканан көрөн таайдылар, эргэрбит тыллар суолталарын быһаардылар, өс хоһооннорун ситэрэн биэрдилэр.

Олус тыҥааһыннаах оонньуу кэнниттэн, олуһун оҥостубут, бэркэ бэлэмнэммит быраастар хамаандалара 153 баалы ылан, туох да эҥкилэ суох кыайан таҕыстылар. Иккис миэстэни учууталлар, үсүһү ыччат лидердэрэ ыллылар.

«Маннык тэрээһини сылга хаста да ыытыахха сөп эбит. Оччотугар сахалар төрүт тылбытын, үгэспитин, култуурабытын билэр, харыстыыр, сайыннарар, кэнчээри ыччакка кэпсиир сорукпутун толоруо этибит», — диэн кыттааччылар уонна дьүүллүүр сүбэ бэлиэтээтилэр.

0
0
28 января 28.01
  • -48°
  • $ 73,82
  • 83,32