14 От ыйа 14.07
  • 19°
  • $ 87,74
  • 95,76

Намҥа Н.В. Дьяконов аатынан спорт национальнай көрүҥнэрин саҥа киинэ сыл бүтүөр диэри үлэҕэ киириэҕэ

18:39, 23 октября 2023
Читайте нас на
Яндекс Новости
ЯДВ

Бүгүн, алтынньы 23 күнүгэр, улуус баһылыга Юрий Слецпов Нам сэлиэнньэтигэр тутулла турар Н.В. Дьяконов аатынан спорт национальнай көрүҥнэрин киинин үлэтин билистэ. Кинини кытта улуустааҕы биир кэлим сакаасчыт дириэктэрин э.т. Ньургун Кудрин уонна Ленскэй нэһилиэк баһылыга Петр Сокольников сылдьыстылар.

Билиҥҥи туругунан эбийиэк уота, сылааһа киирдэҕинэ ис өттүнээҕи үлэлэрэ хаалбыттар. Юрий Иннокентьевич тутууну түргэтэтэн, киин бу сылга хайаан да үлэҕэ киириэхтээх диэн эттэ.

Ону сэргэ үс оскуола сэргэстэһэ турар сирдэригэр икки уу баһаарынай киэлитэ тутуллан туруохтаахтар, ол үлэ хаамыытын баран көрдүлэр. Билигин бэдэрээтчит турар сирин чиҥэтэ сылдьар. Сотору кэминэн 100-түү туонналаах икки киэлини туруоруохтара. Бу үлэҕэ сөптөөх суот-учуот оҥоһуллан, үлэни эмиэ түргэтэтэн олоххо киллэрэллэригэр баһылык тоһоҕолоон эттэ.

«Нам улууһа» МТ пресс-сулууспата

Следите за самым важным и интересным в Telegram-канале и WhatsApp-группе ЯСИА
Тутаах тыллар