18 От ыйа 18.07
  • 20°
  • $ 88,09
  • 96,3

Намҥа Киин балыыһа саҥа куорпуһун тутуу саҕаланна

16:25, 06 сентября 2023
Читайте нас на
Яндекс Новости
ЯДВ

Ил Дархан Айсен Николаев Нам улууһугар оробуочай сырыытын кэмигэр  улуустааҕы Киин балыыһа саҥа куорпуһун тутуутун бастакы сыбаайатын түһэрии сиэригэр-туомугар кытынна. Саҥа куорпус  2025 сылга үлэҕэ киириэхтээх.

Айсен Николаев  үөрүүлээх тэрээһин  кэмигэр  туһааннаах тутуу  дойду Аҕа баһылыга Владимир Путин көҕүлээбит «Доруобуйа харыстабыла» национальнай бырайыак иитинэн тутулларын бэлиэтээн эттэ.

— Бу сылларга өрөспүүбүлүкэҕэ  доруобуйа харыстабылын үгүс эбийиэктэрэ тутулуннулар. Күн бэҕэһээ Владимир Путин  Уһук Илин эрэгийиэннэр куораттарын – Анадырь, Магадан уонна Дьокуускай – маастар-былааннарын, сайдыыларын туһунан ыыппыт  мунньаҕар,  Уһук Илини сайыннарыы министиэристибэтин салаатынан  бэрэсидьиэн биир кэлим субсидиятын  көмөтүнэн кардиососудистай киин тутулунна диэн бэлиэтээн эттим.  Бу сыл бүтүөр диэри  Муома улууһун Хонуутугар, Чурапчы сэлиэнньэтигэр, Таатта Ытык Күөлүгэр доруобуйа харыстабылын саҥа эбийиэктэрэ үлэҕэ киллэриллиэхтэрэ.  Былааҥҥа саҥа балыыһа комплекстара Бүлүү, Мэҥэ Хаҥалас уонна да атын улуустарга тураллар.  Бу аата дойду Аҕа баһылыга, биһиги  дойдубут, өрөспүүбүлүкэбит нэһилиэнньэ доруобуйатын тупсуутугар улахан болҕомтолорун ууралларын көрдөрөр, –  диэтэ Айсен Николаев.

Үс мэндиэмэннээх эмтиир саҥа куорпуска  акушерскай-гинекологическай, терапевтическай  отделениялар, икки эпэрээссийэлиир  блоктаах  хирургия,   диагностическай сулууспа, эмтэнэр-сытар отделение  уонна да атын  салаалар баар буолуохтара.

Нам улууһун миэдиктэрэ эппиттэринэн, олохтоохтор саҥа балыыһа тутуутун кэтэспиттэрэ ыраатта.

«Саҥа куорпуска аныгы мэдиссиинискэй тэриллэр, ол иһигэр  рентген  систиэмэтэ туруорулунна», –  диэн Киин балыыһа кылаабынай бырааһа Ариан Сергеев иһитиннэрдэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар