15 От ыйа 15.07
  • 28°
  • $ 87,74
  • 95,76

Намҥа Бүлүү бэтэрээннэрэ ыалдьыттаатылар

14:42, 29 марта 2016
Текст:
Читайте нас на
Яндекс Новости
ЯДВ

Эҥсиэли хочотугар Бүлүү уонна Нам улууһун бэтэрээннэрэ көрүстүлэр. Делигацияны «Бүлүү улууһа» МТ баһылыгын социальнай политикаҕа солбуйааччы Венера Тихонова уонна улуус ветераннарын сэбиэтин председателэ Герасим Солтуев салайан кэлбиттэр.


Манна улуус нэһилиэктэрин бэтэрээннэрин бэрэссэдээтэллэрэ, Бүлүү куоратын бастыҥ бэтэрээннэрэ, барыта 22 киһи кэлэн ирэ-хоро кэпсэтэн, санаа атастаһан бардылар.

Нам улууһун баһылыгын Александр Атласовы кытта хардарыта үлэлэһэр Сөбүлэһиигэ илии баттастылар. Аппааныга И.Е. Винокуров аатынан Хатыҥ Арыытааҕы историко-краеведческай музейга сырыттылар. Нэһилиэк баһылыга Юрий Слепцов нэһилиэк туһунан билиһиннэрдэ. Музей директора Афанасий Христофоров историяны кэрэһэлиир матырыйаалларын кэпсээтэ. Татьяна Евсеева ыалдьыттары эҕэрдэлээн туойда, нэһилиэк бжтэрээннэрин Сэбиэтин бэрэссэдээтэлэ Оксана Лебедева үлэтин туһунан сырдаппытын кэннэ Семен Алексеев оһуохай тылын таһааран бары үөрэ-көтө оһуокайдаан эргийдилэр.

Хатырыкка М.К. Аммосов аатынан СӨ Государственноһын историятын музейыгар баар хаартыскаларга биир дойдулаахтарын көрөн үөрэн-көтөн, сэргии, сөҕө-махтайа олус интэриэһиргээн көрдүлэр. Онтон Модут нэһилиэгин балаҕаныгар бэтэрээннэр итии чэйдээх остуолун тула үөрэ көтө-көрсөн киэн далааһыннаах ураты үлэлэрин ис хоһоонун кэпсээннэр уопут атастастылар. Бэйэ-бэйэлэрин хардарыта ырыанан-үҥкүүнэн эҕэрдэлэстилэр.

«Сөбүлэһии бэрээдэгинэн ыччаттар кыттыылаах араас таһымнаах уопут атастаһыылар, култуурунай, спортивнай көрсүһүүлэр, И.Е. Винокровка аналлаах тэрээһиннэр ыытыллаллара былааннанар. Бу чэрчитинэн муус устар ыйга Нам улууһун делегациятын Бүлүүгэ көрсүөхтээхпит. Сыл устата Бүлүүтээҕи педколледжка үөрэнэр Нам оҕолорун күүстэринэн кэккэ тэрээһиннэр ыытыллыахтаахтар. Нам уонна Бүлүү былыр-былыргыттан быстыспат ситимнээхтэр. Ол курдук, саха чулуу уолаттара И.Е. Винокуров уонна С.М. Аржаков бэйэлэрин кэмнэригэр сөпкө түбэсиһэн биир кэмҥэ үөрэнэн, үлэлээн-хамсаан Саха автономията сайдарын туһугар олохторун анаабыт дьоммут буолаллар. Бөтүҥ нэһилиэктэрэ куруутун хардарыта алтыһаллар, Бүлүү гааһа Нам нэһилиэктэрин хаачыйан дьон олоҕун чэпчэтэр. Н.Г. Чернышевскай аатынан БПК уонна И.Е. Винокуров аатынан НПК эмиэ биир сибээстээхтик үлэлииллэр», — диэн Венера Тихонова санаатын эттэ.

Следите за самым важным и интересным в Telegram-канале и WhatsApp-группе ЯСИА