Балаҕан ыйын 25 күнүгэр Найахы нэһилиэгэр Уус Алдан Дьоруойдарын күннэригэр аналлаах «Улууспут киэн туттуута — Дьоруойдарбыт» миитин ыытылынна, НВК Саха телеграм-ханаал суруйар.
Бу күн оскуола түмэлигэр анал байыаннай дьайыы байыастарын мемориалларыгар сибэкки дьөрбөтө ууруллунна.
Миитиҥҥэ сэрии кэмин оҕолоро, үлэ бэтэрээннэрэ, олохтоохтор, оскуола оҕолоро, уһуйаан иитиллээчилэрэ кыттыыны ыллылар. «Уоланнар» ааҕыы бөлөх уолаттара улуус 9 Дьоруойдарын туһунан дорҕоонноохтук ааҕан сырдаттылар. Умуллубат уот таһыгар венок уурулунна.
Нэһилиэк баһылыгын солбуйааччыта Егор Федоров, Бэтэрээн Сэбиэтин бэрэссэдээтэлэ Светлана Петрова ыччаттарга кэс тылларын эттилэр. Афанасий Новоприезжай «Дойдум миэнэ — Уус Алдан» ырыатынан миитин түмүктэннэ.
Бэлиэ күн бэрт тэрээһиннээхтик ааспыт. Найахылар Дьоруойдарынан киэн тутталлар, чиэстииллэр.
