Уус Алдан улууһун Балыктаах сэлиэнньэтигэр олохтоох көҕүлээһиннэри өйүүр бырагырааманан спортивнай саалалара саҥардылынна. Улуус баһылыга Алексей Федотов тустар көбүөр бэлэхтээтэ, меценат Петр Бурнашев помост уонна мас-рестлинг инвентарын биэрдэ, суруйар СИА.
Биллэр күүстээх Тиит Буурай аатынан саала Найахыга өссө 2000 сыллаахха арыллыбыта. 2016 сыллаахха саахалланар кутталлаах диэн бэлиэтэммитэ. 2020 сылтан саҥардыллан тутууга үлэ барбыта. Спортивнай эбийиэк улуус дьаһалтатынан олохтоох көҕүлээһиннэри өйүүр бырагыраамаҕа киллэриллибитэ. Суумата — 6 мөл солк кэриҥэ буолар.
Найахы гиревиктарынан биллэр. Мантан спортка киирбиттэрэ бэтэрээннэргэ аан дойду чемпиона Иван Никифоров, аан дойду Кубогын призера Руслан Лугинов. Мас-рестлердар — Россия чемпиона Петр Бурнашев, аан дойду чемпионката Наталья Черноградская. Балыктаахтан биллэр тренердэр Степан Сивцев (көҥүл тустуу) уонна Яков Гаврильев (тхэквондо) бааллар.
This post was published on 21.02.2022 12:01 12:01