12 От ыйа 12.07
  • 20°
  • $ 87,99
  • 95,68

Мындайбан эбэҕэ "Биэс хаахтаах харысхал" бэлиэтин түһэрдилэр

11:01, 01 марта 2021
Текст:
Читайте нас на
Яндекс Новости
ЯДВ

Бу күннэргэ Таатта улууһугар «Олоҥхо сатабыла» этнокультурнай тэрээһин нэдиэлэтэ ыытыллар. Кулун тутар 2 күнүгэр оройуон үрдүнэн Олоҥхо күнэ бэлиэтэнэр.


Олоҥхо күнүн көрсө, олунньу 27 күнүгэр, кырдьаҕас Чөркөөх олохтоохторун аһатан-сиэтэн олорор Мындайбан эбэҕэ Борис Неустроев-Мандар уус «Биэс хаахтаах харысхал» бэлиэтин хаарга түһэрии сиэрэ-туома оҥоһулунна.

Бу тэрээһиҥҥэ Чөркөөх тэрилтэлэрин үлэһиттэрэ, түмсүүлэрэ сахалыы таҥастаах тахсан, ыраас хаарга ойуу мандар түһэрдилэр. Эбэ иччититтэн көҥүл ылар алгыс сиэрэ оҥоһулунна.

«Ойуу тыла харысхал бэлиэтэ үөһэттэн көрөргө дьикти үчүгэй буолла«, — диэтэ тэрийээччилэртэн биирдэстэрэ П.В.Толстяков аатынан народнай театр режиссера М.П.Яковлева.

Маҥан хаарга түспүт харысхал бэлиэтин киэҥ эйгэҕэ кулун тутар 2 күнүгэр таһаарыахтара.

Следите за самым важным и интересным в Telegram-канале и WhatsApp-группе ЯСИА