18 От ыйа 18.07
  • 17°
  • $ 88,09
  • 96,3

Музей үлэһиттэрэ 40 мөл. солк. харчыны сиэһиҥҥэ уорбаланаллар

17:52, 10 апреля 2018
Текст:
Читайте нас на
Яндекс Новости
ЯДВ

Киһи үөйбэтэх өттүттэн бөрүкүтэ суох сонун диэххэ наада. Музейга эрэ «харчы сиэхтэрэ» диэн түһээн да баттаппаккын буоллаҕа. 


СӨ ИДьМ-тын Силиэстийэлиир управлениетын тэрээһиннээх бөлөҕүнэн оҥоһуллубут буруйдары силиэстийэлиир чааһын силиэдэбэтэллэрэ Национальнай уус-уран музей дуоһунастаах үлэһиттэригэр «Түөкүннээһин» ыстатыйанан холуобунай дьыала тэрийдилэр.

Силиэстийэ сабаҕалыырынан, музей дириэктэрин финансовай-экономическай сайдыыга солбуйааччыта, уопсай отделын начальнига уонна бухгалтера дуоһунастарын боломуочуйатынан туһанан, ый түмүгүнэн хамнас пуондатыттан ордубут харчыны бэйэ икки ардыгар үллэстэ сылдьыбыттар.

Ол түмүгэр, уопсайа 14 мөл. солк. тахса сууманы хорон сиэһиҥҥэ уорбаланаллар.

Маны таһынан, бу үлэһиттэр үһүөн 2013 сыл сэтинньититтэн 2017 сыл ыам ыйыгар диэри кэмҥэ бэйэлэрин аймахтарын сымыйанан үлэҕэ ылбыт курдук оҥорон, кинилэр ааттарыгар түһэр харчыны бэйэлэригэр ыла сылдьыбыттар. Ол түмүгэр, 26 мөл. солк. тахса сууманы хорон сиэбиттэр.

Инньэ гынан, барыта 40 мөл. солк. кэриҥэ суумалаах бүддьүөт харчытын сиэбиттэр.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА