Билигин Саха сиригэр үрэхтэр уонна уулар муус бүрүөһүннэрэ өссө да халыҥыы илик, сороҕор мөлтөх, онон мууска тахсыы, ордук тырааныспар тахсара букатын бобуллар. Бу туһунан гражданскай оборуона дьыалаларыгар министиэристибэ иһитиннэрэр.
Региоҥҥа гражданнар куттала суох буолууларын үрдэтиигэ туһуламмыт профилактическай дьаһаллар уонна күһүҥҥү-кыһыҥҥы кэмҥэ ууга быыһанар операцияларга бэлэмнэнии салҕанар. Саха сирин быыһыыр сулууспатын быыһааччылара уонна исписэлиистэрэ патрулааһыны, рейдэни, нэһилиэнньэни кытта кэпсэтиини ыыталлар.
Биэдэмистибэҕэ уулар тэҥэ суох тоҥороллорун, араас учаастактарга муус халыҥа араастаһыан сөбүн бэлиэтээтилэр.
Санатан эттэххэ, мууска көҥүлэ суох тахсыы иһин СӨ КоП 9.10 ыстатыйатынан административнай эппиэтинэс көрүллэр, ол аата гражданнарга үс тыһыынчаттан биэс тыһыынча солкуобайга диэри административнай ыстараап ууруллар; дуоһунастаах дьоҥҥо — сүүрбэттэн биэс уон тыһыынча солкуобайга диэри; юридическай сирэйдэргэ — сүүс тыһыынчаттан биир мөлүйүөн солкуобайга диэри.
Ыксаллаах сулууспалары ыҥырыы биир кэлим төлөпүөнэ 112, СӨ быыһыыр Сулууспатын оперативнай дьуһуурунай телефона: (4112) 45-90-19.
This post was published on 20.10.2025 15:07 15:07