26 От ыйа 26.07
  • 20°
  • $ 85,41
  • 93,17

«Муус устарга» «Дьиэ кэргэнинэн бүттүүн» бырайыак былаһааккатыгар уон ыал бириис тутта

Хаартыска: ЯСИА саайта
Читайте нас на
Яндекс Новости
ЯДВ

Россиятааҕы «Всей семьей» бырайыак РФ Дьиэ кэргэн сылыгар ананар. Дьиэ кэргэттэр всейсемьей.рф саайтка регистрацияланаллар, хаартыскаларын уураллар социальнай ситимҥэ уонна бириис сүүйүүтүгэр кытталлар.

«Муус устар» бэстибээлгэ хаартыскаҕа түһэр зона арыйан, бырайыак туһунан кэпсээтилэр, саҥа кыттааччылары бириистэринэн күндүлээтилэр. Бэстибээл кэмигэр уон ыал саайтка бэлиэтэннэ, хаартыскаларын хатаатылар уонна «Эллэй Боотур» хаҥкылыыр сиргэ билиэти бириис туттулар.

Саха сиригэр 1300-тэн тахса ыал регистрацияланна. Саамай көхтөөх кыттааччылар бириис туталлар — театрга, кэнсиэргэ билиэт, катокка, бассейнҥа абонемент.

Нам улууһуттан Игнатьевтар дьиэ кэргэн «Муус Устар-2024» бэстибээлгэ кыттар ыҥырыы туппуттара. «Биһиги биэс оҕолоохпут. «Всей семьей» бырайыакка бу сыл тохсунньутуттан кыттабыт, Нам улууһун ыччакка уонна дьиэ кэргэҥҥэ отделын сүбэтинэн. Сөбүлүүбүт, биһиги улахан дьиэ кэргэн бириэмэбитин бииргэ атаарабыт. «Муус устарга» оҕолорбутун кытта аан бастаан кытынныбыт, улахан, киэҥ хайысхалаах бэстибээл. Сөбүлээтибит!», — диэтэ Ольга Игнатьева.

Следите за самым важным и интересным в Telegram-канале и WhatsApp-группе ЯСИА