Саха сирин улуустарыгар «Муус устар» ыччат бэстибээлин талыы көрүүлэрэ саҕаланнылар. Олунньу 10 күнүгэр диэри салҕанан барыахтара.
Бастыҥнар Дьокуускайга буолар түмүктүүр түһүмэххэ кыттыахтара. Ол туһунан регион салалтатын пресс-сулууспата иһитиннэрдэ.
Бастакы талар түһүмэх Кэбээйи оройуонугар буолла, манна «Түмэр Күн» улуустааҕы ыччат бэстибээлэ ыытылынна. Хамаандалар спорт көрүҥнэригэр, айар куонкурустарга, презентация, бырайыак көмүскээһинигэр кытыннылар, 2023 сыл түмүгүн таһаардылар.
Кыайыыны Арыктаах, Лүччүгүн 2, Ньидьили нэһилиэктэрэ ыллылар.
Эрдэ Россия президенэ Владимир Путин «Муус устар» бэстибээл ураты киэптээх, маастар-кылаастар, дискуссиялар уонна куонкурустар эдэр дьоҥҥо кыахтарын арыйаллар, бэйэлэрин талааннарын көрдөрөллөр, араас эйгэҕэ ситиһиилэрин кэпсииллэр диэбитэ. Быйыл ыччат бэстибээлэ төрдүс төгүлүн ыытыллар.
Быйыл тректар ахсааннарын эптилэр — 13 буолар, ол иһигэр «Моя семья – Моя Россия!», «Добровольчество!», «Воплощай и вдохновляй!», «Вперед к победам!», «Цифровая наука победы!» уонна да атыттар.
Икки номинацияҕа кыайыылаах баар буолуоҕа: «Лучший молодежный район, городской округ Якутии» уонна «Лучший молодежный арктический район Якутии». Куонкуруска 14 — 35 саастаахтар кытталлар.
This post was published on 12.01.2024 15:29 15:29