«Баар бырагыраамалары харыстаан, өссө эбии кэҥэтэн, элбэх эдэр киһи бэйэтин баҕатын тыа хаһаайыстыбатыгар буларыгар тэрийэбит. Билигин өрөспүүбүлүкэҕэ 96 агро-хайысхалаах оскуола баар. Биһиги сорукпут — оскуола ахсаанын элбэтиэхтээхпит, тыа сиригэр агро-кылаастары тэрийиэхтээхпит», – диэтэ салайааччы.
Мэҥэ Хаҥалас улууһуттан кыттар Ксения Игнатьева «Муус Устар» бэстибээлгэ бастакытын кэллэ.
«Оҕо эрдэхпиттэн экономика бу салаатын интэриэһиргиибин, ол иһин кыттабын, интэриэһинэй элбэх буоларыгар эрэллээхпин», – диэтэ Ксения.
География учуутала Светлана Ноговицына Дьааҥы хамаандатын көмүскүүр, кыттааччыларга кытаанах талыы барбытын этэр. «Чахчы тыа хаһаайыстыбатыгар интэриэстээхтэри таллыбыт, араас аспектарыгар быһаарсар ыччаты», – диэтэ кини.
Кини эппитинэн, тыа хаһаайыстыбата бэйэтэ туспа спецификалаах, уонна сүрүнэ, ыччат баар ыарахаттары уонна эйгэ кэскилин өйдүөхтээх.
«Биһиги устудьуоннарбыт олохтоох хаһаайыстыбаларга практикаларын көхтөөхтүк бараллар. Билигин элбэх устудьуон инникитин аграрнай салааны талар былааннаах», – диэтэ Светлана Ноговицына. Ааспыт сылга Дьааҥы оройуона Арктика улуустарыгар бастаабыта, быйыл да хамаанда кыайыахпыт диэн эрэллээх.
Маны сэргэ, араас компетенцияҕа хамаанданан куонкурустар күүтэллэр. Түмүк кулун тутар 21 күнүгэр буолар.
