Олунньу 15 күнүгэр П.П. Романов аатынан художественнай училищеҕа «Акцент 2» изобразительнай искусствоҕа куонкурус финала буолла.
Кыайыылаахтары сааһынан икки категорияҕа араардылар. «Муус устар» бэстибээл «Искусство творить!» хайысхатынан ыытылынна.
15–17 саастаахтарга Дьокуускайтан Камила Егорова кыайыылаах буолла. Кыыс кыра оҕо сааһыттан уруһуйдуурун сөбүлүүр. Иккис — Айына Семенникова (Дьокуускай), үһүс – Айыына Исакова (Дьокуускай).
Юлиана Петрова, 18–35 саастаахтарга кыайыылаах, Уус Алдан улууһуттан кыттар. Кини инникитин профессиональнай худуоһунньук буолар баҕалаах. Иккис — Елизавета Евсеева (Бүлүү улууһа), үһүс – Алексей Выдренков (Ленскэй оройуона).
Бэлиэтээн эттэххэ, кыайыылаах кыргыттар иккиэн П.П. Романов аатынан училище устудьуонкалара.
